Өтгөн сүү ч бас таргалуулдаг гэнэ шүү, хүүхнүүд ээ!

 

Монголхатагтай нь сүү таргалуулдаггүй гэж боддог байлаа. Тийм болохоор аль л тослогтой сүү байна, түүнийг аваад уучихдаг байсан. Угаасаа би нь сүүнд маш их дуртай. Орой унтахдаа халуун сүү уухгүй л бол тэр орой миний орой биш шүү дээ. 

 

Гэтэл саяхан хоол зүйчээр ажилладаг нэгэн эгчтэйгээ таарлаа. Учир нь хөдөлгөөнөөр цангаж буй орчин цагийн хүмүүс олигтой гүйж харайж чадахгүй л байгаа бол болж өгвөл тослог багатай бүтээгдэхүүн сонгох ёстой гэнэ.  Энэ дүрмийг сахихгүй болохоор л өнөөдөр хүүхнүүдийн маань дунд таргалалт хэмээгч нь санаа зовоосон гол асуудал болоод байгаа юм байна. 

 

Тэгээд тухайлбал над шиг өрмөнд дуртай, сүү байнга уудаг хүн сүүг яаж сонгох юм бэ гэсэн асуултад тэр ингэж хариулсан юм.  Сүүний тослогийн хэмжээг эхэлж харах ёстой гэнэ. Ингэхдээ 0.1 хувийн тослогтой сүү бол ямар ч тохиолдолд таргалуулна гэж айлтгүй гэнэ. Харин түүнээс дээш 3-4 хувийн тослогтой нь за тэгээд ер нь л таргалуулах магадлал өндөртэй бүтээгдэхүүнд ордог юм байна. Гэхдээ яаж энэ бүгдийг тооцоолж харж хайх юм гэж би бага зэрэг гайхснаа ч нуумааргүй л байна. 

 

Гэтэл өчигдөр хүүгийнхээ кашны сүүг авах гэж яваад санаандгүйгээр шар өнгөтэй хайрцагтай сүү байхаар нь сонирхолдоо хөт лөгдөөд авчихсан юм. Тухайн үед нөгөө тослог энэ тэрийг нь харна ч гэж юу байхав. 

Ирээд уутал нэг л өөр амт мэдрэгдсэн юм. Арай л шингэн ч юм шиг, бас арай л өөр цөцгий бус илүү сүү нь амтагдаад явчихав. Гайхаад хартал надад зөвлөгөө өгсөн хүний ярьсантай ижил тослогтой сүү байж таарсан даа. “Сүү” компани бас ийм тослоггүй сүү гаргадаг л юм байна. 0.1 хувийн тослогтой буюу ер нь л бол тослоггүй. Би оройдоо энэ сүүг буцалгаж ууж байгаа л даа.

 

Гэхдээ бас ийм сүүнд дутагдалтай тал байна аа. Тэр нь юу гэхээр монголчууд бид чинь дандаа тос өөхтэй юм хэрэглээд сурчихсан учраас ч тэр үү цаанаа л нэг шингэн санагдах юм. Гэхдээ эрүүл мэндээ бодвол энэ сүү нь л дээр юм уу даа. 

Монголхатагтай