ААВ ЭЭЖИЙН АЧИЙГ ХАРИУЛАХ

Аав ээжийн ачийг хариулах нь Энэ хорвоод хүн болж мэндэлнэ гэдэг өөрөө гайхамшиг. Харин хүн болж төрсөн хойно хүн шиг амьдарч, хүнлэг сэтгэлтэй байх үндэс нь аав ээжийн хүмүүжил, тэдний хайр энэрлээс эхтэй байдаг. Аав ээж минь биднийг зүрх сэтгэлээрээ бүтээж, амьдралаа зориулан өсгөдөг. Харин бидний үүрэг бол энэ л их хайр, ачлалыг ухаарч, зүрх сэтгэлээрээ хариулах явдал билээ. Буддын номд “Аав ээжийн ачийг хариулбал буян дүүрэн амьдрал ирнэ” хэмээдэг. Энэ нь зөвхөн эд хөрөнгөөр биш, харин сэтгэлийн дулаан, цаг зав, анхаарал халамжаар илэрхийлэгдэх зүйл юм. Үр хүүхэд нь эрүүл саруул, зөв хүн болж төлөвших нь өөрөө эцэг эхдээ өгч буй хамгийн том хариу шүү дээ. Аавын хөлс, ээжийн нулимсыг үл анзаарах мэт амьдрах нь тэдний сэтгэлийг зовоодог. Харин тэднийхээ үгийг сонсож, сэтгэлийг нь амрааж, амьд ахуйд нь түшиж, түшиг болж явах нь бидний хүний ёсны үүрэг юм. Зарим хүн эцэг эхийгээ алдсаны дараа л ачийг нь ухаардаг. Гэвч тэд амьд ахуйд нь л энэхүү буяныг бүтээж чадна. Аав ээждээ хэлэх “сайн байна уу?”, “баярлалаа”, “танд хайртай” гэсэн гуравхан үг ч тэдний зүрхэнд нар гийгүүлдэг. Хайртай гэдгээ хэлж амжаагүй, санадаг гэдгээ илэрхийлээгүй явбал, хожим харамсах мөч ирдэг. Тиймээс өнөөдрөөс эхлээд ээж аавдаа анхаарал хандуулж, тэдний төлөө сэтгэл гаргаж амьдарцгаая. Аав ээжийн ачийг хариулна гэдэг бол зөвхөн нэг удаагийн үйлдэл биш. Энэ бол насан туршийн сэтгэлийн үүрэг юм.